நாளை முதல் அஸ்வெசும ஜூன் மாதக் கொடுப்பனவு

அஸ்வெசும பயனாளிகளுக்கு விசேட அறிவிப்பு! ஜூன் மாதத்திற்கான கொடுப்பனவுப் பணம் நாளை வங்கிக் கணக்குகளில் வைப்பு; 328 கோடி ரூபா ஒதுக்கீடு!

அஸ்வெசும நலன்புரி விநியோகத் திட்டத்தின் இரண்டாம் கட்டத்திற்குரிய ஜூன் மாதத்திற்கான கொடுப்பனவுப் பணம், நாளை பயனாளிகளின் வங்கிக் கணக்குகளில் உத்தியோகபூர்வமாக வைப்புச் செய்யப்படவுள்ளது.

பயனடையும் குடும்பங்கள்: இதற்கமைய, அஸ்வெசும திட்டத்தின் இரண்டாம் கட்டத்தின் கீழ் தகுதிபெற்றுள்ள 270,025 பயனாளி குடும்பங்களுக்கு இந்தக் கொடுப்பனவு கிடைக்கப்பெறவுள்ளது.

ஒதுக்கப்பட்டுள்ள நிதி: இந்த ஜூன் மாதக் கொடுப்பனவுத் திட்டத்திற்காக அரசாங்கத்தினால் செலவிடப்பட்டுள்ள மொத்தத் தொகை சுமார் 328 கோடி ரூபாவாகும். இந்த முழுத் தொகையையும் நாளை தினத்திற்குள் அந்தந்த பயனாளிகளின் அஸ்வெசும வங்கிக் கணக்குகளில் முழுமையாக வைப்புச் செய்வதற்கு அதிகாரிகள் உரிய நடவடிக்கைகளை எடுத்துள்ளனர்.

இதன்படி, தகுதிபெற்ற பயனாளிகள் தங்களுக்குரிய ஜூன் மாதக் கொடுப்பனவுகளை நாளை (23) முதல் எவ்வித தடையுமின்றி தங்களது அஸ்வெசும பயனாளி கணக்குகள் ஊடாக வங்கிகளில் பெற்றுக்கொள்ள முடியும் என அறிவிக்கப்பட்டுள்ளது.