போதைப்பொருள் நெட்வொர்க்கை உடைக்க அரசாங்கம் அதிரடி

வெளிநாடுகளில் பதுங்கியிருக்கும் 232 குற்றவாளிகளுக்குச் சர்வதேச சிவப்பு அறிவித்தல்! நாடுகள் வாரியான விபரங்களை வெளியிட்டார் அமைச்சர் ஆனந்த விஜேபால!

சர்வதேச பொலிஸாரின் (Interpol) சிவப்பு அறிவித்தல் பிறப்பிக்கப்பட்டுள்ள இலங்கையைச் சேர்ந்த 232 சந்தேகநபர்கள் பல்வேறு வெளிநாடுகளில் பதுங்கியிருப்பதாகப் பொது மக்கள் பாதுகாப்பு அமைச்சர் ஆனந்த விஜேபால தெரிவித்துள்ளார்.

இவர்களில் 37 பேர் பாரிய ஒழுங்கமைக்கப்பட்ட குற்றவாளிகளாகத் துல்லியமாக இனங்காணப்பட்டுள்ளதாகக் குறிப்பிட்ட அமைச்சர், கடந்த 20 மாத காலப்பகுதியில் மேற்கொள்ளப்பட்ட விசேட இராஜதந்திர நடவடிக்கைகளின் மூலம், சிவப்பு அறிவித்தல் ஊடாக 23 ஒழுங்கமைக்கப்பட்ட குற்றவாளிகள் இலங்கைக்கு அழைத்து வரப்பட்டுள்ளனர் என்றும், சிவப்பு அறிவித்தல் இல்லாமலேயே மேலும் 35 பேர் நாட்டுக்குக் கொண்டு வரப்பட்டுள்ளனர் என்றும் கூறினார். அதன்படி, இதுவரை மொத்தம் 58 குற்றவாளிகள் இலங்கைக்கு அழைத்து வரப்பட்டு சட்டத்தின் முன் நிறுத்தப்பட்டுள்ளனர்.

எந்தெந்த நாடுகளில் எத்தனை பேர்?

சிவப்பு அறிவித்தல் பிறப்பிக்கப்பட்டுள்ள மேலும் 96 ஒழுங்கமைக்கப்பட்ட குற்றவாளிகள் வௌிநாடுகளில் பதுங்கியிருப்பதுடன், இவர்களில் 37 பேர் தங்கியிருக்கும் நாடுகள் குறித்த உத்தியோகபூர்வ விபரங்களை அமைச்சர் வௌிப்படுத்தியுள்ளார்:

சொத்துக்கள் அரசுடமையாக்கப்படும் (பறிமுதல்):

இது குறித்து அமைச்சர் ஆனந்த விஜேபால மேலும் கருத்து தெரிவிக்கையில்,

“மத்திய கிழக்கு நாடுகளில் இருந்துகொண்டுதான் இந்த குற்றவாளிகள் இலங்கைக்குள் நடக்கும் போதைப்பொருள் கடத்தல்களைப் பின்னணியில் இருந்து வழிநடத்துகின்றனர். எனவே, அந்த ஒருங்கிணைப்பாளர்களைக் கைது செய்வது எமது பிரதான இலக்காகும். இவர்களின் இரண்டாம் மற்றும் மூன்றாம் கட்ட வலையமைப்பில் இயங்கி வரும் உள்நாட்டு நபர்களுக்கு எதிராக நாங்கள் ஏற்கனவே கடுமையான சட்ட நடவடிக்கைகளை எடுத்துள்ளோம். அத்துடன், நாட்டிற்குள் இருக்கும் இவர்களின் சட்டவிரோத சொத்துக்களை அரசுடமையாக்கும் நடவடிக்கைகளையும் தற்போது தீவிரமாக முன்னெடுத்து வருகிறோம்.” என்றார்.