உயிரிழந்த 7 சிறை அதிகாரிகளின் உடல்களுக்கு வெலிக்கடையில் இறுதி அஞ்சலி!

உயிரிழந்த சிறை அதிகாரிகளின் உடல்கள் வாகனப் பேரணி மூலம் வெலிக்கடைக்கு கொண்டு வரப்பட்டன! இறுதி அஞ்சலியின் பின் குடும்பத்தாரிடம் ஒப்படைக்க ஏற்பாடு!

நீர்கொழும்பு சிறைச்சாலையில் ஏற்பட்ட கொடூர வன்முறை மோதல்களின் போது உயிரிழந்த சிறைச்சாலை அதிகாரிகளின் உடல்கள் இன்று (08) காலை உத்தியோகபூர்வ வாகனப் பேரணி மூலம் வெலிக்கடை சிறைச்சாலைக்குக் கொண்டு வரப்பட்டுள்ளன.

கடந்த 06 ஆம் திகதி காலை நீர்கொழும்பு சிறைச்சாலையில் கைதிகளுக்கிடையே ஏற்பட்ட பாரிய மோதலைக் கட்டுப்படுத்த முயன்ற போது, சிறைச்சாலை அதிகாரிகள் 7 பேர் கொடூரமாகத் தாக்கப்பட்டு உயிரிழந்தனர்.

இவ்வாறு உயிரிழந்த குறித்த அதிகாரிகளுக்கு வெலிக்கடை சிறைச்சாலையில் உத்தியோகபூர்வ இறுதி கௌரவ மரியாதை செலுத்தப்படவுள்ளது. அதனைத் தொடர்ந்து, அஞ்சலிப் பணிகள் நிறைவடைந்த பின்னர் உடல்கள் இறுதிச் சடங்குகளுக்காக அவர்களது குடும்பத்தினரிடம் உத்தியோகபூர்வமாக ஒப்படைக்கப்படவுள்ளன.