யல பருவ நெற்செய்கை ஆரம்பிக்கப்பட்டுள்ள பகுதிகளில் விவசாயிகளுக்கு உரங்களை தடையின்றி விநியோகிப்பதற்காக, விவசாய சேவை நிலையங்கள் விடுமுறை நாட்களிலும் திறந்திருக்கும் என விவசாய அபிவிருத்தி திணைக்களம் அறிவித்துள்ளது.

விவசாய அபிவிருத்தி திணைக்களத்தின் ஆணையாளர் நாயகம் தம்மிக ரணதுங்க இது குறித்து விடுத்துள்ள விசேட அறிக்கையில் மேலதிக விபரங்கள் தெரிவிக்கப்பட்டுள்ளன.

யல பருவ நெற்செய்கை ஏற்கனவே ஆரம்பிக்கப்பட்டுள்ள மாவட்டங்களில் உள்ள அனைத்து விவசாய சேவை நிலையங்களும் வார இறுதி நாட்கள் மற்றும் ஏனைய பொது விடுமுறை நாட்களிலும் திறந்திருக்கும். விவசாயிகள் எவ்வித சிரமமுமின்றி உரங்களைப் பெற்றுக்கொள்வதை உறுதி செய்யவே இந்த நடவடிக்கை எடுக்கப்பட்டுள்ளது.

மத்திய கிழக்கில் நிலவும் போர் சூழல் காரணமாக உர விநியோகத்தில் ஏற்படக்கூடிய தடைகள் மற்றும் சில தரப்பினர் உரங்களை சட்டவிரோதமாக பதுக்க முயற்சிப்பதாகக் கிடைத்த தகவல்களை அடுத்து அரசாங்கம் புதிய தீர்மானத்தை எடுத்துள்ளது. இதன்படி:

• நெற்செய்கைக்குத் தேவையான கலக்கப்படாத உரங்கள் (Urea etc.) அரச விவசாய சேவை நிலையங்கள் ஊடாக மட்டுமே விநியோகிக்கப்படும்.
• தனியார் விநியோகஸ்தர்களுக்கு அனுமதி மறுக்கப்பட்டுள்ளது.

உரத்தின் விலை விபரங்கள்:

தற்போது விவசாய சேவை நிலையங்கள் ஊடாக 50 கிலோ கிராம் எடையுள்ள யுரியா உர மூடை 9,900 ரூபா முதல் 10,200 ரூபா வரையான விலையில் விற்பனை செய்யப்படுவதாக ஆணையாளர் நாயகம் தம்மிக ரணதுங்க உறுதிப்படுத்தியுள்ளார்.

ELankaMirror #AgricultureSL #FertilizerUpdate #YalaSeason #FarmersNews #SriLankaNews #BreakingNews #TamilNews #eLankaMirror