புனித வெசாக் பௌர்ணமி தினத்தை முன்னிட்டு இன்று (30), ஜனாதிபதி அநுர குமார திசாநாயக்கவினால் 61 சிறைக்கைதிகளுக்கு ஜனாதிபதி பொதுமன்னிப்பு (Presidential Pardon) வழங்கப்பட்டுள்ளது.
இவர்களில் முதற்கட்டமாக 33 கைதிகள் இன்று சிறைச்சாலைகளில் இருந்து உத்தியோகபூர்வமாக விடுதலை செய்யப்படவுள்ளதாகச் சிறைச்சாலைகள் ஊடகப் பேச்சாளரும் சிறைச்சாலைகள் ஆணையாளருமான ஏ. சி. கஜநாயக்க தெரிவித்துள்ளார்.
இலங்கையின் அரசியலமைப்பின் 34 ஆவது பிரிவின் (Article 34 of the Constitution) கீழ் ஜனாதிபதிக்கு வழங்கப்பட்டுள்ள விசேட அதிகாரங்களுக்கு அமையவே, குறித்த சிறைக்கைதிகளின் நன்னடத்தை மற்றும் பல்வேறு சட்டக் காரணிகளைப் பரிசீலித்து இந்த விசேட ஜனாதிபதி பொதுமன்னிப்பு வழங்கப்பட்டுள்ளது.
இணையுங்கள் →Elanka Mirror WhatsApp சேனலில் இணையுங்கள்உடனுக்குடன் செய்திகளைப் பெற வாட்ஸ்அப்பில் இணையுங்கள்
விடுதலை செய்யப்படவுள்ள ஏனைய கைதிகளுக்கான அடுத்தகட்ட நடவடிக்கைகள் சிறைச்சாலைகள் திணைக்களத்தினால் துரிதமாக முன்னெடுக்கப்பட்டு வருகின்றமை குறிப்பிடத்தக்கது.
