தமிழக சட்டசபைத் தேர்தலில் தனிப்பெரும் கட்சியாக உருவெடுத்த தமிழக வெற்றிக் கழகம் (TVK), தனது கூட்டணி கட்சிகளின் ஆதரவுடன் ஆட்சியமைக்க ஆளுநரின் அனுமதியைப் பெற்றுள்ளது.
இன்று மாலை 6.30 மணியளவில் தமிழக பொறுப்பு ஆளுநர் ராஜேந்திர விஸ்வநாத் அர்லேகரைச் சந்தித்த விஜய், ஆட்சியமைப்பதற்கான உரிமை கோரினார். இதற்காக ஆளுநர் தனது கேரளா செல்லும் பயணத்தை ரத்து செய்துவிட்டு விஜய்யைச் சந்தித்தமை குறிப்பிடத்தக்கது.
விஜய்யின் தமிழக வெற்றிக் கழகத்திற்கு ஏற்கனவே காங்கிரஸ் மற்றும் இடதுசாரி கட்சிகள் ஆதரவு தெரிவித்திருந்த நிலையில், இன்று (9) விடுதலைச் சிறுத்தைகள் கட்சி (VCK) மற்றும் முஸ்லிம் லீக் ஆகியவையும் நிபந்தனையற்ற ஆதரவை வழங்கின. இதன் மூலம் விஜய்க்கு ஆதரவான எம்.எல்.ஏ-க்களின் எண்ணிக்கை 120 ஆக உயர்ந்தது (மொத்தம் 234 ஆசனங்களில் 118 பெரும்பான்மைக்குத் தேவை).
பதவியேற்பு விழா: ஆளுநரின் அழைப்பை ஏற்று, நாளை (மே 10) காலை 10 மணிக்கு சென்னை நேரு உள்விளையாட்டரங்கில் தமிழகத்தின் முதலமைச்சராக விஜய் பதவியேற்கவுள்ளார். அவருடன் 8 அமைச்சர்களும் பதவியேற்கவுள்ளதாகத் தகவல்கள் தெரிவிக்கின்றன. மேலும், எதிர்வரும் மே 13-ஆம் திகதிக்குள் சட்டசபையில் தனது பெரும்பான்மையை நிரூபிக்குமாறு ஆளுநர் அறிவுறுத்தியுள்ளார்.
தமிழக அரசியலில் சுமார் 60 ஆண்டுகளுக்குப் பிறகு தி.மு.க மற்றும் அ.தி.மு.க அல்லாத ஒரு மாற்று சக்தி ஆட்சியமைப்பது இதுவே முதல்முறை என்பது குறிப்பிடத்தக்கது.
சமீபத்திய செய்திகளை உடனுக்குடன் தெரிந்துகொள்ள எங்களுடன் இணையுங்கள்!
துல்லியமான, பக்கச்சார்பற்ற மற்றும் உடனடி செய்திகளை உங்களுக்கு வழங்குவதற்கான எங்கள் முயற்சிகள் ஒட்டுமொத்த மக்களின் நம்பிக்கையை வென்றுள்ளது.
🟢 WhatsApp Channel: இணைந்து கொள்ளுங்கள் 👍 Facebook Page: விருப்பம் (Like) செய்யுங்கள் 📱 TikTok: பின்தொடருங்கள் (Follow)
