தமிழகத்தின் புதிய முதலமைச்சராகப் பதவியேற்றுள்ள ஜோசப் விஜய், தனது பணிகளை அதிரடியாகத் தொடங்கியுள்ளார். பதவியேற்றவுடன் மக்களின் நலன் சார்ந்த மூன்று மிக முக்கியமான ஆவணங்களில் அவர் கையெழுத்திட்டுள்ளார்.
முதல் 3 கையெழுத்துக்கள்:
- சிங்கப் பெண் சிறப்பு அதிரடிப்படை: பெண்களின் பாதுகாப்பை உறுதி செய்வதற்காக பிரத்யேகமாக இந்த அதிரடிப்படை உருவாக்கப்படவுள்ளது.
- 200 யூனிட் இலவச மின்சாரம்: பொதுமக்களின் மின்சார சுமையைக் குறைக்கும் வகையில் 200 அலகுகள் வரை இலவச மின்சாரம் வழங்கும் திட்டத்திற்கு ஒப்புதல் அளித்துள்ளார்.
- போதைப்பொருள் தடுப்பு படை: தமிழகத்தில் போதைப்பொருள் புழக்கத்தை முற்றாக ஒழிக்க சிறப்புப் படை ஒன்றை உருவாக்குவதற்கான ஆவணத்திலும் அவர் கையெழுத்திட்டுள்ளார்.
பதவியேற்பிற்குப் பின் உரையாற்றிய முதல்வர் விஜய், “தமிழ்நாடு தற்போது எந்த நிதி மற்றும் நிர்வாக நிலைமையில் உள்ளது என்பதைப் பொதுமக்களுக்குப் பகிரங்கமாக அறிவித்த பின்னரே எமது பணிகள் முழுமையாக முன்னெடுக்கப்படும்” எனத் தெரிவித்தார்.
முக்கிய வாக்குறுதிகள்:
- பெண்கள் பாதுகாப்பு: பெண்கள் பாதுகாப்பு மற்றும் போதைப்பொருள் தடுப்பு நடவடிக்கைகள் இன்று முதலே தீவிரப்படுத்தப்படும்.
- சிறுபான்மையினர் நலன்: தமிழக வெற்றிக் கழகத்தின் ஆட்சி சிறுபான்மை மக்களுக்கான பாதுகாப்பான அரசாக இருக்கும்.
- குழந்தைகளின் எதிர்காலம்: “இந்த வெற்றிக்குக் காரணமாக இருந்த குழந்தைகளுக்காக, அவர்களின் எதிர்காலத்தைச் சிறப்பாக்கும் வகையில் சிறந்த திட்டங்கள் உருவாக்கப்படும்” என நெகிழ்ச்சியுடன் குறிப்பிட்டார்.
தமது நோக்கங்களைச் சரியாக நிறைவேற்ற மக்களுக்குச் சிறிய கால அவகாசம் தேவை எனவும், சட்டம் ஒழுங்கு நிலைநாட்டப்படுவதில் எவ்வித சமரசமும் இருக்காது எனவும் அவர் தனது உரையில் வலியுறுத்தினார்.
சமீபத்திய செய்திகளை உடனுக்குடன் தெரிந்துகொள்ள எங்களுடன் இணையுங்கள்!
🟢 WhatsApp Channel: இணைந்து கொள்ளுங்கள் 👍 Facebook Page: விருப்பம் (Like) செய்யுங்கள் 📱 TikTok: பின்தொடருங்கள் (Follow)
