நுவரெலியா – கிரிகரி வாவியில் விபத்துக்குள்ளான சீப்லேன் இரண்டு நாள் முயற்சிக்குப் பின் மீட்பு
நுவரெலியா கிரிகரி வாவியில் தரையிறங்க முயன்றபோது விபத்துக்குள்ளான Cessna 208 (4R-CAE) வகை நீரில் தரையிறங்கும் விமானம், தொடர்ந்து நடந்த மீட்பு நடவடிக்கைகளுக்குப் பின்னர் ஜனவரி 09 மாலை வாவியிலிருந்து வெளியேற்றப்பட்டதாக தெரிவிக்கப்படுகிறது.
இந்த விபத்து ஜனவரி 07 அன்று மதியம் சுமார் 12:30 மணியளவில், பலத்த காற்று நிலவிய நேரத்தில் நிகழ்ந்ததாக கூறப்படுகிறது. அப்போது விமானத்தில் பயணிகள் யாரும் இல்லை; இரண்டு விமானிகள் மட்டும் இருந்தனர் என்றும், அவர்கள் பாதுகாப்பாக மீட்கப்பட்டு சிகிச்சைக்காக மருத்துவமனைக்கு அனுப்பப்பட்டனர் என்றும் தகவல்கள் தெரிவிக்கின்றன.
விமானத்தின் முன்பகுதி சேற்றில் புதைந்திருந்ததால் முதல்நாள் மீட்பு முயற்சிகள் கடினமானதாக இருந்ததாகவும், அதன்பின் தொழில்முறை டைவர்ஸ் உதவியைப் பெற்றுக்கொண்டு விமானத்தை மீட்க நடவடிக்கை எடுத்ததாகவும் அதிகாரிகள் தெரிவித்துள்ளனர்.
சம்பவம் தொடர்பில் காரணங்களை கண்டறிய சிவில் விமானப் போக்குவரத்து அதிகாரிகள்/சம்பந்தப்பட்ட தரப்புகள் விசாரணைகளைத் தொடர்ந்து மேற்கொண்டு வருகின்றனர்
