இலங்கை ஒரு வரலாற்றுத் தருணத்தில் உள்ளது. கடந்த காலத் தவறுகளைத் திருத்தி, ஒரு புதிய சகாப்தத்தை நோக்கி பயணிப்போம். அனைவரினதும் கனவான ‘வளமான நாடு – அழகான வாழ்க்கையை’ கட்டியெழுப்ப கைகோர்ப்போம்!” – ஜனாதிபதி அநுர குமார திசாநாயக்க.
இலங்கையின் 78-வது சுதந்திர தினத்தை முன்னிட்டு ஜனாதிபதி அநுர குமார திசாநாயக்க விடுத்துள்ள விசேட செய்தியில், கடந்த நூற்றாண்டில் நாடு இழந்த பொன்னான வாய்ப்புகளை மீண்டும் நழுவவிடாது, ஒரு புதிய சகாப்தத்தைக் கட்டியெழுப்பப்போவதாக உறுதியளித்துள்ளார்.
ஜனாதிபதியின் செய்தியில் உள்ள முக்கிய அம்சங்கள்:
- பொருளாதார முன்னேற்றம்: சவால்களுக்கு மத்தியில் கடந்த ஒன்றரை வருட காலத்தில் குறிப்பிடத்தக்க பொருளாதார முன்னேற்றத்தை எட்டியுள்ளோம். இந்த நன்மைகள் அனைத்து இன மக்களையும், அனைத்து மாகாணங்களையும் சென்றடைவதே எமது அடுத்த இலக்கு.
- தூய்மையான அரசியல் கலாசாரம்: இலங்கையை சர்வதேச அரங்கில் ஒரு தூய்மையான அரசியல் கலாசாரத்தைக் கொண்ட, கௌரவமான நாடாக நிலைநிறுத்துவதில் நாம் வெற்றி பெற்றுள்ளோம்.
- அனர்த்தங்களை முறியடித்தல்: சமீபத்தில் ஏற்பட்ட பாரிய இயற்கை அனர்த்தத்திலிருந்து, நாம் கட்டியெழுப்பிய உறுதியான அடித்தளம் காரணமாகவே வெற்றிகரமாக மீள முடிந்தது.
- வரலாற்றுப் பாடங்கள்: சுதந்திரத்திற்குப் பிறகு நாட்டை வழிநடத்தக் கிடைத்த பல பொன்னான வாய்ப்புகள் தவறவிடப்பட்டுள்ளன. ஆனால் இம்முறை அந்தத் தவறை மீண்டும் செய்யமாட்டோம் என ஜனாதிபதி உறுதியளித்தார்.
- புதிய கனவு: 20-ஆம் நூற்றாண்டில் கலைந்து போன பெருமைமிக்க தேசத்தின் கனவை, 21-ஆம் நூற்றாண்டில் நனவாக்கி “வளமான நாடு – அழகான வாழ்க்கை” என்ற இலக்கை அடைவோம்.
