இலங்கையின் கல்வித்துறையில் பெரும் பரபரப்பை ஏற்படுத்திய தரம் 6 ஆங்கிலப் பாடப்புத்தக விவகாரம் தொடர்பாக, அரசாங்கம் இன்று கடுமையான ஒழுக்காற்று நடவடிக்கைகளை எடுத்துள்ளது. இச்சம்பவம் குறித்து முன்னெடுக்கப்பட்ட முதற்கட்ட விசாரணைகளைத் தொடர்ந்து மூன்று முக்கிய அதிகாரிகள் பதவிகளிலிருந்து நீக்கப்பட்டுள்ளனர்.
- இச்சம்பவத்துடன் நேரடியாகத் தொடர்புடையதாகக் கருதப்படும் மேலும் இரண்டு அதிகாரிகள் உடனடியாகப் பணியிலிருந்து இடைநீக்கம் (Interdicted) செய்யப்பட்டுள்ளனர்.
- தேசிய கல்வி நிறுவகத்தின் (NIE) பாடத்திட்ட மேம்பாட்டிற்கான பிரதிப் பணிப்பாளர் நாயகம் தர்ஷன சமரவீர அவர்கள், இன்று முதல் நடைமுறைக்கு வரும் வகையில் கட்டாய விடுமுறையில் அனுப்பப்பட்டுள்ளார்.
- இந்த ஒட்டுமொத்தப் பிழைக்கும் தார்மீகப் பொறுப்பேற்று, தேசிய கல்வி நிறுவகத்தின் பணிப்பாளர் நாயகம் பேராசிரியர் மஞ்சுள விதானபத்திரன தனது பதவியிலிருந்து தற்காலிகமாக விலகுவதாக அறிவித்துள்ளார்.
