இலங்கையில் நிலவும் எரிபொருள் விநியோக நடைமுறையில் முக்கிய மாற்றமொன்றை இலங்கை பெட்ரோலியக் கூட்டுத்தாபனம் அறிவித்துள்ளது. இதன்படி, QR குறியீட்டின் கீழ் ஒவ்வொரு வாகனத்திற்கும் வழங்கப்படும் வாராந்த எரிபொருள் ஒதுக்கீட்டின் அளவு இன்று நள்ளிரவு முதல் அமுலுக்கு வரும் வகையில் அதிகரிக்கப்பட்டுள்ளது.
எரிசக்தி அமைச்சர் மற்றும் பெட்ரோலியக் கூட்டுத்தாபன அதிகாரிகளுக்கிடையிலான பேச்சுவார்த்தையைத் தொடர்ந்து இந்தத் தீர்மானம் எடுக்கப்பட்டுள்ளது.
புதிய எரிபொருள் ஒதுக்கீடு விபரங்கள் (லீற்றரில்):
பெட்ரோலியக் கூட்டுத்தாபனம் வெளியிட்டுள்ள உத்தியோகபூர்வ அட்டவணையின்படி திருத்தப்பட்ட புதிய அளவுகள் வருமாறு:
| வாகன வகை | முன்னர் வழங்கப்பட்ட அளவு | புதிய எரிபொருள் அளவு | அதிகரித்த அளவு |
| மோட்டார் கார் (Car) | 15 | 25 | 10 |
| முச்சக்கர வண்டி (3Wheel) | 15 | 20 | 5 |
| வேன் (Van) | 40 | 50 | 10 |
| பஸ் (Bus) | 60 | 100 | 40 |
| மோட்டார் பைக் (Bike) | 5 | 8 | 3 |
| தரை வாகனங்கள் (Land Vehicle) | 25 | 40 | 15 |
| Quadricycle | 5 | 8 | 3 |
லொறி (200L) மற்றும் சிறப்பு நோக்க வாகனங்களுக்கான (40L) ஒதுக்கீட்டில் மாற்றங்கள் செய்யப்படவில்லை.
