2026 ஆம் ஆண்டிற்கான தரம் 5 புலமைப்பரிசில் பரீட்சை நடைபெறும் திகதி மற்றும் விண்ணப்பங்கள் தொடர்பான விபரங்களைப் பரீட்சைகள் ஆணையாளர் நாயகம் உத்தியோகபூர்வமாக அறிவித்துள்ளார்.

இதன்படி, 2026 ஆம் ஆண்டிற்கான புலமைப்பரிசில் பரீட்சை எதிர்வரும் ஆகஸ்ட் மாதம் 09 ஆம் திகதி (ஞாயிற்றுக்கிழமை) நடைபெறும் எனத் தெரிவிக்கப்பட்டுள்ளது.

இந்தப் பரீட்சைக்கான விண்ணப்பங்கள் கடந்த திங்கட்கிழமை (மார்ச் 30) முதல் ஏற்றுக்கொள்ளப்படுகின்றன. மாணவர்கள் மற்றும் அதிபர்கள் ஆன்லைன் (Online) வழியாக மட்டுமே விண்ணப்பங்களைச் சமர்ப்பிக்க முடியும்.

முக்கிய திகதிகள் மற்றும் இணையதளம்:

• விண்ணப்பிக்க வேண்டிய கடைசித் திகதி: 2026 ஏப்ரல் 30.
• உத்தியோகபூர்வ இணையதளம்: www.doenets.lk அல்லது https://onlineexams.gov.lk/eexams

பரீட்சைத் திணைக்களத்தின் உத்தியோகபூர்வ இணையதளத்திற்குச் சென்று உரிய வழிகாட்டல்களைப் பின்பற்றி விண்ணப்பங்களைச் சமர்ப்பிக்குமாறு பரீட்சைகள் ஆணையாளர் நாயகம் அறிவுறுத்தியுள்ளார். ஏப்ரல் 30 ஆம் திகதிக்கு பின்னர் எக்காரணம் கொண்டும் விண்ணப்பங்கள் ஏற்றுக்கொள்ளப்படமாட்டாது எனவும் அவர் சுட்டிக்காட்டியுள்ளார்.